Page 9 - BNDIA ARUBA

A9
REINO Diahuebs 1 November 2018

Minister plenipotenciario parti di Biblioteca Humano na Rotterdam

DEN HAAG – Minister
plenipotenciario, Guill-
fred Besaril, tabata parti
di e proyecto ‘Biblioteca
Humano’ cual a tuma luga
na e Biblioteca Central
di Rotterdam. Sr. Besaril
hunto cu un grupo di otro
personahenan pa e oca-
sion aki tabata un ‘buki
bibo’. Esta e publico por
inscribi pa lesa un buki
bibo, pero en realidad nan
ta tene un combersacion
cu e persona na e momen-
to ey.

Meta di Biblioteca Humano
ta pa invita diferente persona
cu diferente ofishi of base,
cu por conta por ehempel
nan storia y nan experencia.
E ‘lesado’ di e buki bibo por
haya un miho bista riba e di-
versidad di e comunidad y
combati na e mesun tempo
prehuicio cu ta existi cerca
hendenan.

Sr. Besaril tabata e buki cu e
titulo ‘Arubiano’, di e manera
ey, a duna e publico e opor-
tunidad pa papia cu un Aru-
biano y asina, entre otro, cera
mas conoci di unda e ta bin,
ki aparencia e tin. Minister
Besaril a bisa cu el a experen-
cia e proyecto aki como uno
hopi positivo. El a combersa
cu diferente hende cu tabata
interesa pa conoce e Aru-
biano. “Un señora a bin pa-
pia cu mi, pasobra e tin algun
bisiña Antiano y nan ta hopi
pafo y ta toca musica duro.”
E mandatario a splica e se-
ñora cu Antiano y Arubano
ta hendenan contento. “Nos
ta custumbra ta pafo y gosa di
bida.”

Despues di a tende e argu-
mentonan di sr. Besaril, e se-
ñora a bisa cu awor e tin mas
comprension pa e conducta
di su bisiñanan. “Asina mi a
purba na cambia e percep-
cion di e persona aki. Esaki
ta stapnan chikito, pero hopi
biaha ta na un manera asina
bo ta logra dialogo cu perso-
nanan cu ta cana cu prehuicio
rond”, asina sr. Besaril a bisa.
Na final di e dia a resulta
cu sr. Besaril tabata un di e
‘bukinan bibo’ mas lesa.

E potretnan ta cortesia di Cas
di Aruba