Page 72 - KPA

Intento di atraco na apartamento na

Bubali

Posted on 01/26/2017 7:02 pm AST | Updated on 01/26/2017 9:33 pm AST

ORANJESTAD - Pa 17:29 central ta haya un yamada cu rato prome dos hende homber lo
mester a drenta un apartmento na Bubali. Ta asina cu na yegada di patruya nan ta bin topa
cu un mucha muhe di 10 aña cu ta conta cu e tawata na cas su so y diripiente ela wak dos
hende homber drenta paden. Ela spanta y a core bay sconde den camber. Ta asina cu e ta
bisa un di nan ta tin un capuchon preto bisti y un cuchiu den man. E otro e no por a wak
bon. E dos hombernan aki tawata papia papiamento y tambe spaño. Nan lo a rommel den
e cas y no a bay cu nada. E dos anti socialnan aki mester a huy riba un brommer preto.
Polisnan a cuminsa cu un buskeda rond pa wak si ta topa cu e dos hombernan aki.
Recherche di Atraco team a yega y mirando e caso lo pas'e pa recherche. Tambe a pidi pa
polis forensico y pa slachtoffer hulp. E caso ta bou di investigacion. Ken cu por a wak
algo, yama tiplijn