Page 8 - AAA DEC 7

AWEMainta Diaranson, 7 December 2016 35

Gobierno siguiendo cu maneho sostenibel

Bestuurskantoor ta uza luznan LED so di awor padilanti

EDIFICIO di Gobernacion ta drenta e mundo di sostenibi-

lidad. Basa riba e maneho di Gabinete Mike Eman pa haci di
Aruba un isla berde, a cuminsa na implementa e vision aki na
cas mes: a cuminsa pa cambia tur e luznan convencional di
Bestuurskantoor den luznan LED.

Gobierno a yega na un acuerdo cu diferente empresa pa instala
luznan LED na scolnan y na algun edificio di Gobierno. Rotech
ta e empresa cu a haya e tarea pa cambia e luznan convencional
na Bestuurskantoor pa esnan mas eficiente.

E trabou ta wordo guia dor di Carlos Coutinho, supervisor na
Rotech, y e prome oficina cu a pasa den un cambio completo pa
loke ta iluminacion tabata esun di Prome Minister Mike Eman.
A wordo splica cu e compania a haya e tarea pa cambia tur e
bombiyonan of TL-buisnan pa e tiponan mas moderno y efi-
ciente, tanto na Bestuurskantoor como na Parlamento.

E luznan bieu, el a splica, ta ranca hopi coriente y ta costa hopi.
E luznan LED nobo en cambio ta hopi eficiente. Pa haci un
comparacion, el a bisa cu e luznan bieu tabata rond di 70 watt
mientras cu e nobonan ta 14 watt cu ta duna asina mes mas
iluminacion, y ta baha e gastonan cu mas cu 50%. Ademas,
tin un garantia di 10 aña riba e luznan.

Rotech ta trahando na algun scol tambe, manera EPB Hato
y San Nicolas, Santa Rosa, Landslaboratorium, Brandweer,
Meteo, etc. Coutinho ta calcula cu a cambia rond di 7 mil
bombiyo caba, mientras cu na Bestuurskantoor so a cambia
varios luz nobo.

Bon di e luznan nobo aki ta cu nan ta wordo conecta di biaha
riba e sistema, pues ta elimina e parti di balast riba TL Buizen.
E trabou a encera cu entrante dialuna ultimo henter Bestuur-
skantoor tin luznan LED.