Page 14 - AWEMAINTA
P. 14
14 AWEMainta Diabierna, 6 September 2019
Dunamento di chance riba caminda principal ta peligroso:
Tres auto envolvi den
accidente na Camacuri
DIAHUEBS mainta Polis di Trafico a bay n’e salida di Aruba Bank
situa na Camacuri, pa un accidente entre tres auto.
Na yegada di Polis y tambe Forensys, nan ta topa tres auto, un di
nan completamente destrui parti patras.
N’e sitio nos a combersa cu un di e chauffeurnan. El a splica cu el a
para pa duna un pick up chance pa drenta e Banco.
Un van di un compania di Cleaning posiblemente no a pone aten-
cion dilanti y ta dal e Hyundai i10 hopi duro patras, mandando e
varios meter dilanti. Durante e impacto e Hyundai i10 a pasa rasca
e pick up cu el a duna chance.
Un dama den e Hyundai i10 a sinti su nek un tiki, pero debi cu
ambos, esta e chauffeur y e ocupante tabatin seatbelt bisti, a mini-
malisa cu nan a sufri lesionnan serio.
Despues cu e agente di trafico a tuma tur dato, nan a por a move e
autonan for di caminda.
Doño di e Hyundai i10 a bisa cu ta 4 luna pasa el a saca e auto for
di Garage Central, takelwagen mester a presenta pa hibe di e sitio.
E auto no ta sirbi mas.
