Page 7 - AWEMAINTA

Diabierna, 6 September 2019 AWEMainta 7

Sub Inspector Juni Tromp a gradici

NO ta un ni dos, pero ta varios reunion caba e
trahadonan di Warda Nos Costa a tene cu Minis-

ter Andin Bikker. E mandatario a priminti e sindi-

cato y trahadornan cu lo bin cambio, pero te ainda
nada. A duna Gobierno te diabierna ultimo, dia 30
di augustus pa cumpli cu e palabracionnan haci. E

problema principal, den bista di e empleadonan, t’e

propio Trudy Hassel.

Parce cu varios ilegal a huy y deliberadamente ta

sconde tur esaki. Ni Minister ta na altura di varios

di e asuntonan aki. E trahadornan ta keha hopi di
e trato cu nan ta ricibi di Hassel. Tin un grupo cu
ta sigur di nan mes sin miedo y prome cu algo bay

robes ta buscando atencion di e Minister via sindi-

cato.
Sindicato y e trahadornan mes a hiba Sub Inspector
di Polis, Juni Tromp cerca Minister Bikker. Parce cu

ambos grupo ta sostene su candidatura.

Aparentemente Minister a bay di acuerdo pa Juni
Tromp join y asina trece e trankilidad den Warda

Nos Costa, aunke ainda ta pendiente.

E trahadornan ta kehando cu ta mishi cu nan derecho
di overtime di trahador y ta presenta rooster un dia
prome cu luna nobo cuminsa. Ta considera esaki

como un muestra cu ta purba “pest” e trahadornan.

Un carta a bay caba p’e Minister cu un deadline
pa tuma decision riba palabracionnan basa riba tur
e reunionnan anterior. Si e Minister no haci nada

por spera accion di e trahadornan na Warda Nos

Costa.

Andin Bikker lo a aproba e “overplaatsing” di Sub

Inspector Juni Tromp for di Cuerpo Policial pa War-

da nos Costa, pero ta sinti cu henter e proceso ta
tranca y ta tardando inecesariamente.
E trahadornan disgusta a sigura cu e trato eyden ta

malo, tanto p’e detenidonan como tambe p’e propio

trahadornan di Warda nos Costa. Ta manehando e
centro manera un prizon, mientras cu tin stranher-
onan cera eyden pa varios luna caba, cu de facto no

por. Mirando tur esaki, e Sub Inspector, Juni Tromp

a dicidi pa gradici Minister pa su bon intencion y
como tal ta prefera keda traha den Cuerpo Policial,
unda tin menos dolor di cabez manera t’e caso den

Warda nos Costa.