Page 18 - HOH
P. 18
Hoben Polis ta accidenta gravemente cu su brommer na Cura
Cabai
Tuesday, 29 November 2016 21:34
Comparti
Diamars merdia a sosode un accidente basta grave riba e caminda di Playa pa San Nicolas. Na Altura di
Cura Cabay e accidente a sosode. Segun testigonan e motociclista tabata bari cu e brommer.
Esey ta un stye di fever. Bari ta ora bo ta zwaai cu e atras di e brommer riba caminda. Pa un of otro
motibo e tire a bay den pida santo y esey tabata suficiente pa e brommer cuminsa haci straño di tal forma
cu e motociclista no por a mantene esaki riba caminda. E agente cu tabata den su tempo liber a perde
control. El a bolter cu e brommer cu a keda tur destrui. E mes a haya basta sla na curpa. Na su cara por a
mira basta sanger. El a keda benta eybou cu hopi dolor na curpa. Coleganan Polis cu a yega a dune un
man mesora. Paramediconan a dune e prome auxilio y djey sali cune directamente pa Hospital. E agente
aki fam J ta mesun Polis cu a haya reconocimento algun dia pasa. E tabata un di e Polisnan cu a scapa
bida di e famia na San Barbola ora nan auto a wordo lastra den awacero pisa. Pronto recuperacion na e
agente Policial aki.
