Page 11 - MIN VOS

Den e ultimo anjanan un gran parti di nos federacionnan deportivo ta adkeri ayudo profesional di
exterior pa asina yuda nan deporte den e primeramente e desaroyo di nan atletanan y di dos pa guia nos
propio coachnan di nan trabou diario den e deporte encuenstion.

Mayoria federacion deportivo ta traha cu un vision cu e unico meta pa hiba nan deporte na un otro nivel.
Pa haci esaki mester traha riba un bon base y percura pa e desaroyo sigui den e forma mas positivo unda
lo amplia e conocemento den e deporte di tanto e atletanan como tambe e coachnan. Algun luna atras
Aruba Basketball Bond a contrata un coach profesional di Venezuela den Alejandro Ochoa. Coach Ochoa
a bini Aruba pa un periodo di cuater luna unda e lo traha di serca cu e federacion ABB y tambe duna e
guia nesecario na nos coachnan nacional cu ta maneha e seleccionnan nacional di basketball den
categorianan u13, u15 & u18. Coach Ochoa lo bin yuda cu e preparacion di cada seleccion pero
responsibilidad final ta den man di coachnan local. Mas cu claro esaki lo ta un “upgrading” di nos
coachnan di basketball unda lo intercambia ideanan nobo pa asina mehora e deporte di basketball den
tur sentido di palabra y sigur den e preparacion di cada seleccion nacional. Un danki sigur na Lotto, e
Loteria di Aruba pa medio di Comision di Subsidio cu a subsidia e Aruba Basketball Bond pa adkiri un
coach profesional pa e deporte di basketball. Cumprando weganan di Lotto, e Loteria di Aruba bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e comision di
subsidio.