Page 3 - Djaluna 17 september 2018.pdf

Djaluna 17 Sèptèmber 2018 3
Kuerpo

Polisial ta

lamentá

publikashon

falsu i

inkorekto

WILLEMSTAD.- Siman
pasá Kuerpo Polisial di
Kòrsou a tuma nota di
publikashonnan inkorekto
ku a sali riba ret sosial, unda
ta hasi menshon ku Kuerpo
Polisial a organisá un fiesta
di despedida di 8 ora largu,
esta di 8 or di mainta pa
4 or di atardi pa sr. Frank
Brouwer, ku ta bandonando
Kuerpo Polisial pa sigui ku
un otro reto.
Tim di Maneho di
Kuerpo Polisial a haña ku
ta nesesario pa reakshoná
riba esaki.
Ta bon pa splika ku
konforme un komunikado
interno ku a sali anterior, a
duna oportunidat bèrdat pa
entre 8 or di mainta i 4 or di
atardi, koleganan ku tabata
interesá, por a pasa na sala
di reunion i despedí di sr.
Brouwer, kende a sostené
Tim di Maneho pa algun
aña. Esaki no tabata den
forma di ningun fiesta, pero
simplemente durante di e
dia di trabou ei, sr. Brouwer
lo tabata disponibel pa
saludá su koleganan.
Despues a kambia esaki
pa un ora, ku finalmente a
resultá di tabata apénas 15
minüt.
Di un forma sobrio, sin
ni sikiera ku un glas di awa
aserka, algun kolega huntu
ku Tim di Maneho a gradisí
sr. Brouwer pa su aporte
balioso na nos kuerpo.
Tim di Maneho di Kuerpo
Polisial ta konsiente di su
responsabilidat pa ku su
miembronan i komunidat,
pero tambe di e prioridat
ku mester pone pa ku
sirbimentu i protekshon di
komunidat.