Page 44 - HOH updated

den dos shift.

Situacion no ta asina precario solamente na ImSan. Hospital, dr. Horacio Oduber, ta sufri

di e mesun problema. Tres specialista di riñon eynan y dos na ImSan y cu tur ekipo cu

tin, no tin suficiente cupo pa trata tur e pashentnan.

Na Hospital e situacion ta mes pisa of mas ainda cu na ImSan. Eynan nan tambe ta

hayando tur e pashentnan di Intensive Care cu mester di cuido, tur e pashentnan cu

diripente ta bira pashent pa dialyse cu ta ora nan yega, den condicionnan hopi malo, y tur
esey tin cu wordo tuma.

Apesar di esey, tambe tin tur e pashentnan cu tin dialyse peritoneal cu nan ta haci na cas.

Na ImSan, hunto cu na Hospital, tin aproximadamente 40 pashent caba na Aruba y nan ta

aumentando.

Na e momentonan aki no ta wak cu no tin ningun mehoransa den e situacion. E situacion

ta keda masha malo, segun dr. Rajnherc. Ta masha precario y tur dia tur dos instituto ta

wak si tin un cupo, unda por tin un cupo, con por yuda un pashent, si of no.

Ta yega e momento cu mester bin cu mas posibilidad pa duna tratamento y un di e poco

maneranan cu por haci’e diripiente ta door di haci un tercer shift na un di e dos

institutonan.

Despues di un paar di luna, por ta sigur cu e otro instituto tambe tin cu haci e tercer shift.
Y en realidad, Aruba mester di hopi mas cupo pa por haci dialysis cronico pa pashentnan.

Primariamente ta purbando pa wak si tin suficiente cantidad pa trata na cas, no pa interna

nan, no pa laga nan bin hospital ni na clinica di Dialyse di ImSan pero pa mantene nan na

cas.

No tur pashent bo por cuminsa cu peritonial dialyse. Toch ta keda un aumento drastico di

hemodialyse. Mester bin hopi atencion pa e pashentnan aki, pasobra nan ta pone hopi

peso riba e sistema di cuido medico na Aruba.