Page 39 - ARUBA BANK

CIBC FirstCaribbean Aruba A Celebra E Cliente Den

Forma Special

 Local
- 17/06/2019

Den diferente region, staff y personal di CIBC FirstCaribbean a habri nan porta cu un
“extra” smile grandi dunando bon bini na tur cliente cu cuminda, bebida y diferente
giveaways. Esaki ta en cuadro cu nan evento anual di “ Client Appreciation Day”.

For di e prome te cu e ultimo cliente di dia, clientenan a wordo celebra riba e dia di
“Client Appreciation day” como parti di e programa regional di CIBC FirstCaribbean.

“Client Appreciation Day” a wordo celebra dor di e 16 banconan den region riba mesun
fecha cual tabata diahuebs 13 di juni. Miembronan di e team ehecutivo di gerencia di e
banco tabata presente den e diferente localidad nan pa yama bon bini na clientenan for di
mainta tempran y pa duna atencion special na tur cliente cu a pasa haci un transacion den
banco.

Sra. Colette Delaney, banco su Chief Executive Officer tabata n’e oficina mas nobo di e
banco den region cu ta keda den e Health City Mall na Cayman Islands. Aki sra. Delaney
a tuma tempo pa topa clientenan y gradici nan pa nan confiansa den e instituto financiero
regional.