Page 15 - LOTTO

Den e weganan di final den e categoría di Dama A-klas, nos ta haya e equipo di
POVA a titula campeon ora nan ta gana YMCA cu e score final di 3 – 2, den un
wega di suspenso y super emocionante. E ekipo relativamente hoben di POVA

bou maneho di coach Irald Phelipa a termina e campeonato invicto. Mester bisa
cu a keda demostra cu e deporte di volleyball tin hopi futuro y mester sigui guia

cada un pa continua den e nivel aki, un nivel cu lo beneficia e principalmente e
seleccion di Aruba mirando e edad di e hungadornan aki. Aserca mester bisa cu

YMCA tambe tin un ekipo hoben cu hopi futuro y hunto cu Pova, Gazelles y e
otronan ekiponan femenino Aruba su volley lo ta den mira den nos region.

Den cabayero A-klas, e ekipo hoben di Venum bou guia di Errol Yrausquin a
destrona e ekipo di La Fama Spartans pa logra e titulo máximo. Venum a sa na

gana tur dos wega di final den forma convincente unda no a perde ni un
set. Asina tambe e deporte di volleyball a clausura nan campeonato den

tremendo forma ya caba a cuminsa prepara pa e proximo aña caminda e
plannan ta grandi tanto den indoor volleyball como tambe e beach volleyball cu

por cierto cada dia ta birando mas popular bou di nos hobennan.

Un danki sigur na Lotto, e Loteria di Aruba pa medio di Comision di Subsidio cu
a subsidia e campeonato di volleyball organisa pa Aruba Volleyball Association.

Cumprando weganan di Lotto, e Loteria di Aruba bo ta contribui na deporte riba
nos isla. Meta di e fundacion ta pa organisa loteria, cambia bida di su

hungadonan y na mes momento inverti den deporte local pa medio di
donacionnan na e Comision di Subsidio.