Page 37 - AHATA

Riba un pregunta ricibi di miembro di prensa cu Ex Prome Minister Eman ta premira cu BBO ta bay
bira 10%, Parlamentario Setty Christiaans-Yarzagaray a contesta cu si Mike Eman tawata tin un bola
di cristal pa premira cu BBO lo subi na 10%, e lo por a uza esaki pa goberna e pais aki na drechi

durante su gobernacion.

Ultimamente Mike Eman, hungando cu inteligencia di pueblo, ta promoviendo cu e ta premira cu
BBO lo subi na 10% pa cua motibo e ta bay rond pa prepara e pueblo pa esaki y ta vociferando su

deseo pa manifesta.

Mike Eman ta kere cu pueblo ta lubida cu durante su gobernacion, el a priminti hopi cos incluyendo
elimina BBO y mas bien el a subi BBO despues di a laga pais Aruba financieramente den mal estado
y cu debenan imenso. Mike Eman a priminti tambe hopi studiante como profesionalnan jong cu nivel

di estudio halto hopi cos keriendo den un “knowledge based economy” y e Parlamentario a indica cu
e mes conoce algun cu mester a bay busca trabou pafo di Aruba. Hasta tin un “jong professional” cu

a forma parti di su partido y su gobierno e tempo ey cu awe tin problemanan husticial bou su guia
como Prome Minsiter.

Parlamentario Christiaans-Yarzagaray a indica e ex prome mandatario ta uza fuente di informacion,
esta e rapportnan di IMF, mal-uzando esaki pa loke ta conbini’e politicamente. Den opinion di e

Parlamentario esaki ta nada nobo pa Mike Eman mirando cu durante su tempo di gobernacion esaki
tawata algo normal p’e.

Siendo cu IMF ta duna conseho na pais Aruba, y ta keda na pais Aruba cua rumbo e ta scoge pa bin

cu solucionnan. Esaki ta mescos durante tempo di Mike Eman tambe, unda cu IMF a dun’e tur clase
di conseho indicando e cu e ta hibando e pais aki den bancarota financiero y Mike Eman a scoge pa
no haci caso di IMF y awe Aruba ta bibando cu e consecuencia aki.

E rapport di IMF su consehonan ta indica claramente cu si pais Aruba dicidi pa bay den un otro tipo
di impuesto, den e caso aki VAT of si dicidi pa bay den un sistema di BTW cu ta ful un otro sistema
cu BBO, e ora ta premira cu esaki lo por bira 10%. Esaki mirando cu BBO tin schakkels y e otro tipo

di belasting cu IMF ta referi na dj’e no tin.

Loke Mike Eman a haci, manera ta su custumber durante su gobernacion tambe, ta tuma e
informacion aki di IMF, desvia di loke IMF a bisa, cambi’e den loke e ta kere ta sali’e politicamente

miho. Mike Eman kier busca e chispa di speransa pa e drenta bek den gobernacion sin importa con e