Page 2 - AWM14JAN2017
P. 2
2 AWEMainta Diasabra, 14 Januari 2017
Ayera mainta Huez a dicidi cu
Dia 7 di april lo tin un Regiezitting
p’e caso di atraco/asesinato na Wayaca
AYERA mainta e dos sospechosonan den e caso di
Wayaca (atraco cu morto riba 13 di september 2016)
ta bin pro forma dilanti Huez di Prome Instancia.
Esaki t’e caso di e sobrino cu a usa un empleado di
su empresa como hitman, y a mata su tanta, pa laga
pasa cu ta un caso di atraco, siendo cu e sobrino mes
a bay busca e autor di e asesinato.
Ayera mainta, no a trata e caso den su contenido.
Huez a busca un fecha p’e tratamento inhoudelijk.
Huez a dicidi cu caso di Wayaca a bay pa 7 di april
benidero, no lo ta inhoudelijk, pero lo ta un Regiez-
itting.
Esey nifica cu e dia ey, Huez, Ministerio Publico,
pero tambe e abogadonan lo repasa tur documento,
pa determina kico falta ainda of no. E ora lo wordo
Huez stipula fecha, segun informacion recibi.
Pa loke t’e sospechoso cu a entrega e arma di candela
(cu a wordo usa despues den e atraco), si a wordo
condena. Fiscal di Ministerio Publico si a pidi 18 luna
sera y Huez a conden’e na 18 luna di prison.
