Page 25 - AWEMAINTA

Diaranson, 19 September 2018 AWEMainta 25

Hubentud haciendo actividadnan positive

DIADOMINGO, 9 di September, Arubaanse Kunst-

kring a presenta un concierto pa famia di e obra Carna-

val der Dieren (Camille Saint-Saëns) cu e Projectorkest
Curaçao, Cultureel Centrum Curaçao Young Strings y

alumnonan di Scol di Musica Rufo Wever.
E concierto tabata uno exitoso y por considera esaki

como un inicio di colaboracion entre Aruba y Corsou

pa nos por presenta anualmente conciertonan, special-
mente dirigi na nos muchanan y p’asina eventualmente

forma un orkesta na unda nos musica por haya un

lugar prominente den e repertorio clasico-popular.

Johnny Croes, Director suplente di Scol di Musica Rufo

Wever kier a gradici sra. Nelly Aal di Arubaanse Kunst-
kring pa por a haci e concierto esaki posibel y tambe na

sra. Carolina Nicolaas di Muziekschool Cultureelcen-
trum Curacao, sra. Ilja de Bell di Projectorkest Curacao

y tambe sra. Hester Matthijsse di Scol di Musica Rufo

Wever pa a duna nos alumnonan e oportunidad pa nan
por a presente den e bunita concierto aki.

Johnny Croes a gradici tambe e publico cu tabata pre-

sente y cu tabata aplaudi cu hopi entusiamo despues di

cada presentacion. Esaki sigur ta stimula y ta contribui na nan desaroyo musical.

Minister Guillfred Besaril na apertura

di Aña Parlamentario di Hulanda

DEN HAAG – Minister Plenipotenciario di Aruba Guillfred

Besaril a atende ayera diamars 18 di september e apertura di
Aña Parlamentario di Hulanda, mihor conoci como Prinsjesdag.

Sr. Besaril ta invitado special pa Prinsjesdag como miembro di

Conseho di Minister di Reino (Rijksministerraad) y ta sinta
hunto cu su colega Minister Plenipotenciario di Curaçao y St.

Maarten den Ridderzaal.

N’e ocasion aki Rey Willem Alexander a hiba su discurso
(troonrede) unda el a elabora riba e plannan di Gabinete Rutte

III p’e siguiente aña.
Riba e potret drpd: Minister Plenipotenciario di Curaçao, An-

thony Begina, Minister Plenipotenciario di St. Maarten Jorien

Wuite y Minister Plenipotenciario di Aruba Guillfred Besaril.