Page 16 - AWEMAINTA
P. 16
16 AWEMainta Diasabra, 21 September 2019
Despues cu nan Quadracer a kentel na
Tanki Flip; pareha turista a keda herida
DIABIERNA merdia Polis di Trafico tabata man yen
cu varios accidente. Asina algo prome cu 1:30 p.m Polis y
ambulance a bay rotonde Tanki Flip, unda un Quadracer
lo a accidenta.
Na yegada ya algun miembro di Kazerne di Brandweer
a sali y tuma nota di loke a pasa, debi cu tabata tin dos
persona herida.
N’e sitio nos a compronde cu ta trata di dos turista o sea
un pareha, kendenan aparentemente no sa maneha e
Quadracer. E accidente a sosode momento cu nan a bay
tuma e bocht riba e rotonde, y cu e Quadracer a kentel na
banda drechi.
Esaki a causa cu ambos a cay heridando nan mes. E dama
tabata keha di dolor na brasa, mientras e cabayero a haya
un kap riba su wowo drechi.
Na yegada di Paramediconan nan preparanan y despues
sali cu ambos direccion Hospital. Posiblemente velocidad
poco halto y no sa con maneha e vehiculo aki lo a causa cu
e Quadracer a kentel.
