Page 24 - MIN.RICHARD ARENDS 20 MAY 2017

AWEMainta Diasabra, 20 Mei 2017 9

Nieto di Shon Lang, Jeremy v/d Linden:

MFA ta un bon idea y orguyoso di e dedicacion

CINCO aña pasa, tempo cu Shon Lang (d.f.m.)
a bay laga nos, Jeremy van der Linden, su nieto
tabata ainda un mucha y hopi di e logronan di su
welo, e conoce como storia cu e ta tende di famia,
conoci y bisiñanan di Savaneta.
P’esey mes, e reconocemento cu Gabinete Mike
Eman ta duna di yama MFA di e bario ‘Cas di Shon
Lang’ ta laga e hoben aki sinti un orguyo grandi.

E siman aki Jeremy hunto cu su mayornan y otro
famia a haya recorido di e edificio for di delegacion
di MFA encabesa pa Prome Minister Mike Eman
mes. Na final a puntr’e tocante su impresion y el
a expresa su satisfaccion.
“Mi ta haya ta un bon idea y no a haya un bon
splicacion di e proyecto”, Jeremy a bisa.

Como parti di un famia prodigioso den musica,
Jeremy ta admiti cu e tambe ta gusta toca guitara
leu a leu. Sigur e ta consciente cu tras di e nomber
di su welo, tin un legado grandi di dedicacion na
expresion artistico aki.
Pa loke ta trata e dedicatoria cu ta bin grandi rib’e
edificio di MFA Savaneta y lo keda devela na su
apertura den un par di luna, Jeremy ta “haya cu
ta algo bon, ya cu mi no tabat’ey e tempo aya.”