Page 67 - MIN.RICHARD ARENDS 20 MAY 2017

E acuerdo cu Gobierno a firma cu Citgo na Juni di 2016, unda cu Gobierno di Aruba, den persona di
Minister Mike Eman y Mike de Meza
, tabata e parti di labor, cu tabata tin acuerdonan cu a wordo haci, pa proteha e mercado laboral aki na
Aruba. Tambe a yega na un limite maximo di e cantidad di trahadonan di afo, esta importa, cu e refineria
por trece aden, por tin trahando den e refineria. Pa e motibo ey, y mescos cu tabata ta den caso di Valero,
a bin un protocol riba nivel di servicio, entre Dimas cu e partner comercial na Aruba, esta Citgo Aruba
Refinery NV, pa loke ta trata ora cu e refineria mester importa pa trabao, trahado mester wordo importa,
kico ta e rekisitonan y kico ta e proceduranan cu lo mester cana. Na tur momento, e intake di Gobierno di
Aruba ta pa proteha e mercado laboral local y ta despues algo nobo cu tin den e protocol aki, ta cu e rol di
departamento di labor y refineria di Aruba ta hopi mas presente, cu na caminda cu ta bay tin un toetsing
di berdad di e cantidad si tin cierto experticionan cu ta localmente disponibel aki na Aruba, prome cu bay
over na duna un permiso di labor y un permiso di estadia. Esey ta e reglanan cu a wordo stipula y cu na
nivel di servicio, entre Dimas, departamento di labor, Refineria di Aruba, a yega na un acuerdo cu na
momento cu despues ta conclui cu no tin cierto experticio aki na Aruba, cu mester bay over na importa
un trahado di afo, kico ta e proceduranan pa cana. Gustosamente Gobierno ta yegando na un acuerdo.
Dentro di poco esey lo ta cla, mescos cu ta trata e aspecto di Douane. Normalmente den pasado tabata
tin pa e rehabilitacion di e refineria, tabata tin incentivonan fiscal. E regimen fiscal di e refineria, mescos
cu tabata conta pa Valero, ta conta pa Citgo tambe. Pa e parti di Douane, e importacion na ki momento,
ki ora, kico ta e proceduranan cu mester cana, pa cierto articulonan. Esey tambe por bisa cu
satisfactoriamente, a yega na un acuerdo, caminda cu ambos partido, Gobierno y Citgo, ta contento
cun’e.
Na momento cu e forsa laboral local no por suministra experticionan necesario, mescos cu cualkier otro
compania, ta acerca Dimas y tambe departamento di labor, cu e peticion pa duna permiso pa importa un
trahado of cu tin un experticio cu no ta disponibel na Aruba na e momento ey. E ora ta drenta den
marcha e protocol, unda cu refineria di Aruba tin un rol y tambe departamento di labor tin un rol pa nan
mes proactivamente haci investigacionnan necesario, pa wak si di berdad, cierto experticionan no ta na
Aruba.
Operacion di un refineria ta algo cu den cualkier pais na mundo, ta casi identico. Na Refineria di Aruba
tin un team di experto cu sa kico ta come y bebe den operacion di un refineria. Sa ki tipo di conocemento,
ki tipo di experticio tin localmente disponibel na Aruba y tambe sa di e lesnan cu a wordo siña na Aruba,
ki ta e caminda pa cana, kico ta e loopholesnan pa cera. Tin un protocol pa ehecuta e acuerdo ya caba cu a
yega loke ta trata labor, uno cu por garantisa e forsa laboral local.

Ningun novedad
Tabata tin reciente tabata tin reunionnan cu ehecutivonan cu Citgo. Regularmente Gobierno di Aruba,
como tambe Refineria di Aruba ta sinta cu nan y no tabata tin ningun retraso. Mas bien nan ta mirando
cu pronto e trabaonan di e EPC contractor lo cuminsa y esey ta segun e schedule pa e start di e prome
trein dentro di poco.

Acuerdo

Tin un acuerdo entre e operador di Citgo y tambe cu Dimars. Esaki ta un ehecucion di e acuerdonan cu
Citgo cu Gobierno a yega caba na dje. Esaki ta na nivel di servicio con pa trata cu peticionnan cu drenta