Page 33 - FDLP
P. 33
ORANJESTAD (AAN) – Aruba Softball Bond
contento di mira e iniciativa di Estefano Croes y Staff compaña pa bondscoach Luis
Pires pa cu Sta Cruz.
Desde December a hasi na dos occasion un workshop pa asina midi e interes y recruit
atletanan hoben femenino pa e deporte di softball. Cu orguyo mester menciona cu
hunto Rockets Organization a logra alrededor di 27 atleta entre edad di 10 y 16 aña
kendenan ta acudiendo 3 ves pa siman na entrenamento.
Tur diamars y diahuebs di 530 pa 6.30 pm y diasabra di 4 pa 6pm riba veld di Rockets
na Sta Cruz. Tur atletanan femenino di e edad aki cu kier train y siña hunga softball por
tuma contacto libremente cu Nachma Kock na 5943202 of Milly Kock na 5943202 pa
mas informacion.
Constantemente tin un grupo di 27 atleta hoben cual ta dunando un bon indicacion pa
cu campeonato 2019 di cual ASB lo bay enfoca mas riba edadnan mas hoben den
categoria femenino.
ASB sa cu Sanicolaas tin tremendo movecion cu Carmelita y su staff mientras na Noord
tambe tin un cantidad di hobennan practicando cu Ilaysa y Ilajay mientrastanto cu Fano
Croes hunto cu su staff ta desaroyando area di Sta Cruz den categoria U16.
Tur atletanan femenino cu kier hunga softball dea area di Piedra Plat, te Balashi of
Sabana Grandi, Papilon, Morgenster , Sta Cruz mes di pariba te pabou por yama
libremente pa join e organisacion.
Desaroyo ta parti importante y despues di hopi aña Sta Cruz ta na turno y pronto lo
mira e atletanan nobo den 2019 den accion.
