Page 34 - AVP

RST di Hulanda pa yuda den e caso aki. “No ta keda nada otro cu Ministerio Publico

mester dobla pa e presion di Gobierno Mi kier pone bon cla “el que nada debe, nada

teme”. Mi no tin nada di sconde y mi consenshi ta limpi. Mi ta contento cu nan a bin y pa

pone esaki tras di lomba”

E politico a bisa cu palabranan cla “Benny ta limpi, y ta cla pa sigui lucha. Pero e ta haya

straño cu esaki ta sosode hustamente awe cu tin un caso den Parlamento, cu ta bay tin di

haber cu corupcion, e cos aki ta sosode. Ta parcemi cu loke nan tabata kier ta wanta e
votacion den Parlamento. Nan por a bini mañan tambe y laga nos vota, y mustra e cara di

sr. Otmar Oduber. “

E investigacion aki el a bisa no mester ta solamente riba Benny Sevinger, pero mester

cuminsa na Marisol Lopez Tromp y e documentonan cu nan a bay cun’e ta relaciona cu

Marisol Lopez Tromp. P’esey e ta bisa cu e ta spera cu nan busca bon den tur e

documentonan, pa ora traha verbaal saca afo kico ta kico.

Tambe a tira inval na cas di dos persona cu tabata traha cu Sevinger tempo e tabata

Minister, esta Gaby Werleman y Leoncita Arends. El a splica cu e conoce Leoncita

Arends pa hopi aña caba pero cu e tin algo di haber cu Leoncita a bende tereno, e no tin

nada di haber cu esey. Hasta e tin basta tempo sin papia ni mira Leoncita. Pero e cos aki,

el a sigui bisa ta bay pa e sushedad di su contrincantenan. For di tempo di campaña caba

a saca yen di cos cu e lo a firma pa tereno y 90 mil m2 a wordo bendi. Pa tur hende sa,

ora un hende haya un tereno (e mesun procedura tabatin tempo di Marisol y awor cu

Otmar), a keda mescos. El a duna e ehempel con Otmar Oduber como Minister a sinta na

mesa, hunto cu Dangui Oduber, y firma pa e hendenan di Ritz Carlton haya e tereno di

Marriott pa 15 miyon dollar. Awo abo mes ta participa den esey como Minister, con bo

kier tilda otro di corupcion. Ban cuminsa na investiga e Ministernan actual y ora ta wak
ken ta ken y ken a firma kico.