Page 78 - AVP

Ministerio Publico Ta Splica Cu Entradanan Hudicial

Ta Relacion Cu Investigacion Di Posible Hechonan

Castigable Den Otorgamento Di Tereno Di Gobierno

 Local
- 02/10/2019

Awe Landsrecherche conhuntamente cu Huez-Comisario y den cooperacion cu Cuerpo
Policial di Aruba, a tene entradanan hudicial na diferente lugar.

E huiszoekingnan aki a tuma lugar den cuadro di un investigacion penal di
Landsrecherche na posible delitonan di corupcion y otro hechonan castigable
posiblemente cometi relaciona cu otorgamento di terenonan di Gobierno.

Mas concretamente: e investigacion ta dirigi riba e pregunta si un of mas compania a
obtene a base robez (un opcion riba) derechonan di erfpacht di terenonan di Pais Aruba
den e añanan 2009 te 2017. Ademas ta investiga e rol di un Minister anterior den esaki,
Ministerio Publico a duna di conoce den un comunicado di prensa.

E investigacion aki ta basa riba un denuncia cu e miembronan di fraccion di MEP, Rocco
Tjon y Endy Croes a haci dia 22 di februari 2018. Nos tin copia di dicho denuncia cu
proximamente lo wordo publica.

Cu sosten di Landsrecherche Curasoleño a tene tambe un entrada hudicial na Corsou den
cuadro di e investigacion.