Page 98 - AVP

Mester bisa cu ningun persona a keda deteni ainda durante of relaciona cu e invalnan aki.

Arends na final di e inval na su cas na Paradera a duna un declaracion di kico a pasa.

Mainta tempran, un grupo grandi di persona a yega su cas y a inform’e cu nan tin ordo di

Fiscal pa haci un investigacion na su cas. E investigacion aki a dura te rond di merdia y

nan a haci uzo di un Van pa transporta material.

Arends no tin otro cos pa bisa cu esaki no ta nada otro cu politikeria y pa colmo riba e dia

cu Parlamento mester trata e ley di Serlimar.

Leoncita a duna di conoce cu e no tin miedo di bisa cu e cos aki a tuma luga cu

intermediacion di Prome Minister y Minister Otmar Oduber. “Kisas esaki ta un di su

satisfaccionnan prome cu e baha. Mi ta kere cu e ta consciente cu tur hende sa caba ki

tipo di hende e ta. Manera cu bo ta actua ta mustra ki tipo di persona bo ta.”

Apesar di e situacion, e tabatin palabra di agradecimento na e funcionarionan di RST y

Landsrecherche a trat’e hopi bon y na e sitio nan a actua di un forma corecto. “Nan tabata

netjes cum’i”. Tur esaki a sosode den presencia di su dos Abogadonan, Zuhaila Marchena

y Chris Lejuez. E documento cu nan a entregue ta bisa cu nan ta sospech’e di
falsificacion di documento, soborno y estafa. El a corda con dos aña pasa den campaña a

publica un corant cu materialnan cu a wordo horta for di su computer door di Ofelia
Beyde, kende un tempo el a kere den su bondad. Pero e tabata un carne den cuero di

wolff.

Leoncita a bisa e sa di tur e maniobranan cu a haci pa trata di wanta terenonan cu e of su

famia a haya, pero nan a yega laat. Pero cu algo a bay robes, e mester proba e asunto
awo. Por mira cu desde Oduber a bira Minister, e no a papia mas riba 90 mil meter cuadra

di tereno, pasobra esey a wordo uza den campaña pa kibra hende pero e no tabatin forma

pa proba.