Page 27 - ARUBA BANK

Dialuna, 10 December 2018 AWEMainta 5

Mirando cu no tin ningun decision den demanda di ABV

Mediador di Gobierno a dicidi di reuni cu e partidonan envolvi

Pa evita cu e victimanan lo bira e pacientenan

DIABIERNA atardi, tabata e deadline cu

ABV a pone como ultimatum pa Ezzard Cilie y
miembronan di Hunta di Supervision entrega

nan retiro. Esaki a expira, sin mucho novedad,

asina leu cu nos sa.
Unico informacion cu nos di AWEMainta tin

ta, cu Mediador di Gobierno, Anselmo Pontili-

us lo a cay aden prome cu e situacion escala.

Mediador di Gobierno a tuma e decision aki,
mirando cu si bin un of otro accion, e victi-

manan ta bira e pacientenan den Hospital, y

esey ningun hende no kier y sigur no esnan cu
tin famia den Hospital.

Nos a trata di haya Anselmo Pontilius pa haya
su version, pero den fin di siman, e tabata im-

posibel.

Informacion extraoficial cu ta cu ABV a dicidi

pa laga e decision den man di su miembronan.

ABV lo convoca un reunion cu su miembronan
pa laga nan dicidi cua t’e siguiete paso pa tuma.

Si ta lagu’e na miembronan pa dicidi, nifica cu
ta di spera cu sigur un 90% di e miembro of tra-

hadornan duna acta di presencia, pasobra den
e dos ultimo reunionnan cu ABV a convoca, a

asistencia tabata pober si tene na cuenta cu na

HOH tin sigur mas di 900 trahador y na dicho
reunionnan ta un grupo di 30 so a presenta.

Un grupo chiquito asina no por dicidi pa tur

hende y causa daña na salubridad publico.

Pesey mes Mediador di Gobierno a cay aden,
y di acuerdo di informacion extra oficial, ya

caba Anselmo Pontilius a convoca un reunion

cu ABV y siguientemente cu Ezzar Cilie como
miembro di gerencia di HOH, pero tambe cu

Hunta Comisario, cu mas bien a wordo envol-

vi, sin tin problema laboral cu ABV.Mediador
di Gobierno kier reuni a corto plazo y si por

awe mes.