Page 8 - BNDIA ARUBA

A8 REINO
Dialuna 8 aPRil 2019

Exodo masivo di Venezolano ta menasa islanan ABC

DEN HAAG – Un exodo masivo di
Venezolano ta menasa pa interumpi e
comunidad di e islanan ABC. Sinem-
bargo, e gobierno Hulandes no a tum’e
suficiente na serio e preocupacionnan
di e islanan.

Esaki ta segun e miembronan di parlamen-
to di Aruba. Recientemente nan tabata na
Hulanda y e union Europeo pa asina pre-
siona pa obtene apoyo financiero pa e re-
cepcion di refugiadonan Venezolano.

Nan ta bisa cu ta straño cu Hulanda a duna
Colombia 4 miyon di Euro pa e recepcion
di refugiado. Mientras cu e islanan ABC te
cu awo solo tin cu wak con cu e asistencia
tecnico, a pesar di varios solicitud di asis-
tencia. E politiconan Arubiano ta yama e
crisis Venezolano un asunto di reino.

Corsou kier extension temporal pa normanan stricto di presupuesto

WILLEMSTAD – Miembro di parlamentario Hulandes
di e partido CDA, Chris van Dam, a manda un carta pa
e subsecretario Raymond Knops di asuntonan interior
y relacionnan di reino.

Van Dam kier sa mas tocante di e carta cu e gobierno di Cor-
sou a manda pa e conseho di minister di reino, solicitando un
apelacion di e articulo 25 di ley di Supervision Financiero di
Corsou y Sint Maarten.

Corsou kier un extension temporal pa e normanan stricto di
presupuesto pa por interveni den e economia.
Van Dam kier pa Tweede Kamer di e parlamento Hulandes pa
wak e carta aki. Tambe e kier sa con e Conseho di minister di
reino lo responde na e solicitud aki.

Polis ta gara truck cu autonan horta danki na GPS tracker

Amsterdam - Polis Hulan-
des a logra gara un truck
cu autonan horta, danki na
un gps tracker cu tabata tin
riba un di e autonan.

Tabata despues cu un compan-
ia anti ladronicia a haya un no-
tificacion cu un di e autonan
(Range Rover) tabata coriendo
riba e caretera A12 riba un ve-
locidad continuo di 100km pa
ora, nan a tuma contacto di bi-
aha cu polis.

E compania tabata tin e sos-
pechoso cu e auto lo tabata riba
un truck, mirando e velocidad
constante cu e auto tabata bay-
endo. E sospecho aki a bin re-
sulta di ta berdad ya cu a haya
e truck riba A1 di Bathmen cu
e Range Rover y tres otro auto
luhoso riba dje. Polis ta sospe-
cha cu e truck tabata bayendo
direccion Polen, ya cu e truck
ta procedente di eynan.

A aresta un homber di Polen
(32), kende awo lo mester bay
duna cuenta na autoridad.