Page 72 - MIN JUS

Solange Tchong di AZV: Tin un data di casi 108 mil persona
cu ta corectamente registra na AZV

Saturday, 17 December 2016 22:34
Comparti

AZV di su banda mes tin un paar di anja ta trahando basta extenso cu Censo. Den e caso aki AZV a duna
su aporte na Censo unda cu nan a compara e data cu nan tin cu otro
y asina por a saca afo e diferente gruponan manera cu ta bisa di personanan unda cu ta wak cu tin e 3608
persona cu por ehempel ta esunnan cu berdaderamente ta biba na Aruba, pero ta wordo exclui pa ley di
AZV. Nan no a registra na AZV. Esey ta corecto, pero tin e otro gruponan unda cu a bisa cu personanan
cu tabata registra, pero actualmente no tin un polisa cu AZV, dus nan no ta sigura na AZV mas. Ta hopi
importante pa AZV menciona esaki pasobra for di den pasado a haci hopi intento pa percura cu tur biaha
tabata tin e re registracion of un renobacion di zorgpas, ta controla debidamente e cliente su
documentonan bek manera e ley di AZV ta stipula. Inscripcion na Censo ta hopi importante, pero banda
di esey tambe e residencia principal mester ta na Aruba. Esey tambe ta un parti cu ainda ta kere hunto cu
Censo por yega na haya mas informacion pa haya sa cu esaki ta asina. Di tur manera AZV a haci
intentonan na unda cu ta kere cu e tabata hopi bon pasobra a logra tin awor aki un data di e casi 108 mil
persona cu si ta corectamente registra na AZV debidamente cu documentacion y identificacion valido,
etc.
Ta personanan cu a cumpli y ta kere cu e ta solamente beneficia tur partido na momento cu crea mas
claridad kico a pasa cu e otro grupo cu ainda falta pa controla of pa check kico a sosode cu nan.
Pa loke ta e link cu otro, esaki di banda di Censo, AZV a ricibi informacion cu no solamente bay sigui
yuda otro. AZV lo hasta wordo gelink na nan sistema automatisa di modo cu mas facil ainda por wak
cierto informacionnan di e cliente. E mas importante pa AZV ta, pa e persona ta inscribi na censo.

AZV no ta pensa cu nan no ta exclui cu kisas si bay bek den historia di AZV for di 2001. A cuminsa cu un
tiki riba man y tambe tabata tin na principio un carnet di AZV cu tabata un papel blanco, un polisa cu
tabata wordo geprint hinca den un cashi di plastick, of un saco di plastick. Eseynan tabata periodonan
caminda cu berdad ta kere cu a sosode kisas cosasnan cu no a bay bon, pasobra AZV tabata conciente cu
tabata un carchi cu por a wordo copia facil, of gescan, hende por a bira hopi creativo. Sinembargo, for di
2006, ora cu a haci e reregistracion riguroso, cu tabata tin un oficina na Boulevard cu AZV a habri extra
pa asina por a duna e servicio mas lihe, for di e tempo ey caba AZV a cuminsa percura pa mehora e
administracion, e data di e clientenan na AZV. For di e tempo ey caba esaki a mehora.
Cu esey Tchong kiermen cu no ta kita afo cu si ley ta permiti cu un persona por sali for di Aruba pa un
cierto tempo y ora e ta bin bek ta haci uzo di e AZV, esey por. Den e sentido cu e ley ta bisa cu e ta
permitibo sali pa un cierto tempo y bin bek. No a kere cu esaki ta sosode masalmente si, pero cu e por
sosode, esey ta un hecho, pasobra atrobe e ley ta defini cu bo tin cu ta inscribi na censo y bo residencia
principal mester ta Aruba. Esey kiermen cu si den un anja bo tabata tin 10 luna cu a biba na Aruba y dos
luna a bay afo, esey ta nifica cu den e dos lunanan ta afo no a haci uzo di AZV, pero e resto di tempo cu a
bin Aruba, si por a haci uzo di dje. Legalmente Bo ta un persona biba na Aruba. Gran mayoria di tempo