Page 12 - MIN ON 15 MAY 2017

MIREILLE SINT JAGO DI MEP: STUDIA

GRATIS NA E MIHOR UNIVERSIDADNAN

EUROPEO

May 15, 2017 Admin Uncategorized Leave a comment

E trabou di un partido Social Democrata manera MEP ta pa busca e opcionnan
mas economico cu ta beneficia henter pueblo. Nos kier logra un mihor bida y
futuro pa tur. “Educacion ta e arma mas poderoso pa cambia mundo.”, esey ta e
famoso quote di Nelson Mandela dfm. Ta p’esey nos mester enfoca riba
enseñansa pa asina preveni problemanan economico, social y hudicial den nos
comunidad.

Durante campaña 2013 y tur e cuater añanan despues, mi a informa pueblo caba
cu tin opcionnan mas economico na Universidadnan sumamente recomenda y
prestigioso pa nos hobennan por bay studia. Estudionan na Ingles, cu pa hopi
studiante ta un idioma cu nan por adkiri mas lihe of cu nan ta domina mihor cu
Hulandes. Enbes cu Gobierno di AVP y specificamente Michelle Hooijboer-
Winklaar busca opcionnan cu ta pas pa tur hende su budget of pa preveni cu nos
hobennan y nan mayornan ta hinca nan mes den debe, el a bin cu e opcion mas
caro.

Tuition Fee na Canada pa studiantenan Internacional ta cuminsa na 10.000 USD.
Hasta si Michelle Hooijboer a negocia un prijs mas abou, e no lo baha bou di e
prijs di un residente cual ta USD 4500. Mientras cu na Suecia, nan a introduci un
reduccion di Tuition fee pa EU-students na 2011. Minister di Enseñansa of
Gobierno por a traha pa crea e oportunidad pa haci nos yiunan ta gelijkgesteld
na studiantenan di EU of percura pa nos studiantenan haya e mesun derechonan
como cu nos ta un LGO (Land/Gebied Overzee) di un pais di EU. Si esey no a
logra, ainda nos yiunan di tera por a opta pa studia na Alemania. Desde 2013
nan a haci tur Universidad Publico GRATIS pa studiantenan local y Internacional.
Nan ta ofrece tur estudio cual ta mas cu 400 diferente Bachelor y Master
program, na Aleman y Ingles.