Page 23 - AWEMAINTA

Diamars, 4 December 2018 AWEMainta 23

Cu sosten di AH&SF Aruba t’e prome den region

Cu Cuerpo Policial di Aruba

ta ricibi un Comando Mobil

RECIENTEMENTE a yega Aruba un unidad nobo pa Cu-

erpo Policial Aruba, ta trata aki di Comando Mobil.

Cuerpo Policial Aruba tin un bon colaboracion cu Aruba Hos-
pitality & Security Foundation (AH&SF). Pa añanan AH&SF

ta percura pa KPA por haya material necesario p’asina sigui
brinda Aruba cu un seguridad optimal.

E biaha aki a toca turno pa KPA por haya su mesun unidad

di Comando Mobil e ta un parti esencial pa maneho di comu-
nicacion di Polis. Cu sosten financiero di AH&SF nos a logra

esaki.

E Comando Mobil aki ta ekipa cu sistema moderno y cu tec-
nologia avansa cu por comunica y maneha for di cualkier sitio

na Aruba. E ta cla caba pa bay den funcion p’asina por brinda

Aruba mas seguridad. Tecnologia ta sigui avansa y Cuerpo
Policial Aruba ta sigui move den e rumbo aki p’asina por fa-

cilita y ekipa e organisacion policial na un otro nivel.
“Esaki ta djis un parti cu ainda falta cu tecnologianan mod-

erno cu Cuerpo Policial Aruba mester haya y ta danki cu e

sosten di AH&SF y Ministerio di Husticia cu nos por sigui
traha hunto pa brinda Aruba y su turismo un seguridad na

nivel halto”, t’e palabra di Alto Comisario di Cuerpo Policial
Aruba sr. Andrew Hoo.

AH&SF su meta ta seguridad pa turismo y pueblo. AH&SF
ta aporta na diferente proyecto financieramente na Cuerpo

Policial Aruba. AH&SF kier brinda KPA ekipo y material pa

sigui mantene e seguridad un prioridad.
Cuerpo Policial Aruba ta realisa proyectonan cu ta necesa-

rio y cu ta importante p’e organisacion y conhuntamente cu

AH&SF ta traha riba un strategia p’asina sigui eleva e seguri-
dad den turismo y pa comunidad.

Cu un Comando Mobil como e adkisicion mas nobo esaki ta
di suma importancia pa Polis por atende diferente eventuali-

dad.

“AH&SF ta sumamente contento cu Cuerpo Policial Aruba
a haya un Comando Mobil p’asina por sigui brinda mas se-

guridad cu tecnologia avansa”, tabata e palabranan di sra Tisa
LaSorte Chairperson di Aruba Hospitality & Security Foun-

dation.