Page 2 - ARUBA BANK

Gobierno a bolbe pidi mas tempo pa

indexering

Posted on 08/12/2019 11:49 am AST | Updated on 08/12/2019 11:58 am AST

ORANJESTAD – Gobierno no a cambia nan postura pa loke ta asunto di
indexering. Asina e vocero di e grupo di sindicato, bringando e tema ey, Eduard
Maduro a bisa noticiacla.com dialuna. Segun Maduro, nan a haya contesta di
gobierno pero nada nobo. “ E mesun storia tocante cu nan mester mas tempo”
Maduro a bisa. Riba esey e sindicatonan a contesta tambe.” Y awo nos ta wardando
pa nan jama nos pa un reunion” Maduro a sigui bisa. Den esaki, Maduro a añadi na
e portal aki cu a duna gobierno 2 siman di tempo pa llama e reunion.

DEADLINE

Luna pasa e grupo di sindicato cu ta bringando pa logra pago di indexering pa 2018, a
duna gobierno ultimatum pa bin cu un contesta positivo, cual tabata diabierna 9 di
augustus ultimo. Sindicatonan ta sali for di punto di bista cu nan kier 3.6% na indexering.
Pero si tin un otro proposicion, nan ta dispuesto pa sinta papia y wak con esaki ta drai. Si
nan haya 0.0% mes, ta ok basta nan haya compensacion di otro banda, manera
condicionan secundario.