Page 32 - FDLP

E fundador di e SFP, Sr. Jose David Polanco lo realisa su soño di mas grandi den su
deporte preferi, cu ta coremento di distancia largo.

E careda mas largo na Aruba tabata 2 aña pasa na December 2017 caminda Jose David

a core 100 Km. E aña aki e lo purba kibra su propio record un biaha mas coriendo e
distancia di 161 Km.

Pa motibonan di logistica fuera di nos alcance e evento cu primeramente a ser planea

pa e aña aki lo pasa pa aña 2020. Cual a haci cu e aña aki a keda bashi. Esaki a bira e
oportunidad perfecto pa Jose David realisa su soño.

E evento lo cuminsa dia 28 di September pa 4’or di atardi na Linear park, y lo termina

dia 29 di September na e mesun lugar. Ta calcula cu e evento lo tin un duracion di mas
o menos 20 ora, contando momentonan di descanso cortico cada pasa 25 kilometer.

Ta di remarca cu esaki ta un desafio sumamente grandi, primordialmente door di e

temperatura di Aruba.

Haciendo esaki un bes mas un desafio grandi pe atleta y tambe e comishon di SFP.
Sperando di un bes mas por inspira y motiva comunidad completo di Aruba,

specialmente e hubentud den nan desarollo deportivo y tambe personal.

E evento di e aña aki ta ser dedica na Sr Augustin Dorothal qepd, na bida un miembro
activo y importante di SFP. Un persona cu a dedica su bida pa mehora bida di hopi

hoben Arubano por medio di deporte. Di e forma aki SFP kier duna Sr Dortohal (qepd) e
homenahe mereci y cultiva loke semper el a dedica su mes na dje cu hopi amor y
pasion.

E meta principal di e evento ta pa recauda fondo financiero y asina yuda 3 mucha
huerfano cu a perde un mayor of ambos. E meta ta pa yuda e famia di e 3 muchanan
aki pa 2 aña largo financieramente.

E invitacion ta keda na cada un persona den nos comunidad pa aporta na e causa. Por
haci esaki den 3 diferente forma: