Page 36 - CMB

46 Djaluna 22 òktober 2018
Segun minister-
presidente Eugene
Rhuggenaath
‘Mester yega
na un gobièrnu

mas moderno i
un mihó
servisio’

WILLEMSTAD.-
Minister-presidente Eugene
Rhuggenaath a splika ku su
gabinete tin un plan integral.
‘Ya bo por bisa ku e plan ta
prepará i Konseho di Minister
ya a aprobá e liña grandi di e
plan aki.’
Pa un parti importante e
ta basá riba palabrashonnan
ku gobièrnu di Kòrsou a
hasi ku Kolegio Supervishon
Finansiero (Cft). ‘Ku ta pa
reforsá nos maneho finansiero
públiko, invirtiendo den
nos propio kapasidat pa
por manehá, huntu ku
tur ministerio, sènnan di
gobièrnu na un manera
efisiente. I ku ta produsí
resultado duradero. Pero
huntu ku esei naturalmente
nos mester tin kresementu
ekonómiko. Nos mester krea
mas trabou, i sektor privá
tambe, di tal manera ku
esaki tambe ta kondusí na
entradanan di gobièrnu ku
ta bin pa subi. Ku ta yuda pa
haña mas espasio pa nos por
sigui invertí den nos desaroyo.
Pero tambe naturalmente e
tin un efekto positivo riba nos
“schuldquota”. Ku ta nifiká
ku relativamente nos debe
ta bin pa baha tambe. Pero e
parti mas duradero ta invertí
den gobièrnu mes. Modernisá
esaki, hasi un gobièrnu ku
ta duna un mihó servisio i
tambe un mihó ambiente di
trabou pa nos ámtenarnan ku
tin ku duna e servisio.’ Segun
Rhuggenaath pa hopi añanan
no a wòrdu invertí den
aparato gubernamental. El a
splika ku desaroyo ekonómiko
duradero ‘nos por yega na
bienestar i krea apertura i krea
trabou pa nos hendenan ku
asina por sòru pa nan propio
kombibí i tambe naturalmente
e kondishonnan di trabou den
nos merkado laboral. Banda
di esei nos mester invertí
den nos gobernashon pa tin
un gobièrnu mas moderno
di un mihó servisio i ku mas
posibilidat digital. En bes
di pasa medida riba pueblo
nos ke atendé promé den
nos propio kas wak kon nos
por traha mas efisiente, mas
integral i asina ei hasi mas
ku entrada ku nos ta haña
di komunidat. Esaki tin ku
reanudá na mas bienestar
pa nos pueblo.’