Page 31 - AVP

ORANJESTAD (AAN): Eduard Maduro di
Sindicato SADA, despues di be ultimo desaroyonan di siman pasa unda tabata tin un
caso den corte tambe relaciona cu nan peticionnan y e manifestacion cu a tuma lugar.

El a indica cu e mesun anochi ey, despues di corte, nan a reuni cu nan miembronan.
Nan a reafirma na e bestuur cu nan no ta bay duna un stap atras pa locual ta trata e
‘salaris uitkering’ segun locual a wordo firma 21 di Juli 2017.

Maduro a indica cu nan a tuma nota den un conferencia di prensa di gobierno relaciona
cu esaki unda cu aworaki nan a indica cu lo bay acerca e miembronan individual,
kiermen 180 duanero) pa duna nan un presentacion pasobra den concepto di gobierno,

SADA no kier a sinta na mesa pa wak y tene un propuesta nobo.

E miembronan di SADA a bisa bestuur cu nan no ta hala atras pasobra un bes cu kier
bay bolter e convenio aki, bestuur tin cu atende cu e deseo di e miembronan. SADA ta

conseha, nan ta hiba e deseonan di e miembronan cerca gobierno, pero nan ta dicidi,
Eduard Maduro a remarca.

Duaneronan no ta bay hala un florin atras, pasobra no ta un cuestion di e situacion

financiero actual, a splica. Ta un cuestion cu na 2013 a basha awa den biña y aworaki a
manda un carta pa gobierno pa bisa cu kier tende ki dia ta bay ehecuta e covenant, a
declara.

https://www.diario.aw/2019/09/duaneronan-no-ta-bay-hala-un-florin-atras/