Page 15 - WEB
P. 15
ATIA contento cu cambionan cu WEB a
haci pa cu desaroyo riba waf na
Barcadera
Posted on 10/31/2018 3:46 pm AST | Updated on 10/31/2018 3:47 pm AST
ORANJESTAD – E gremio commercial ATIA a contento cu desaroyo riba waf na
Barcadera. Asina e gremio ta laga sa pa medio di ATIA , a base di reunionnan cu
stakeholders, a keda follow up continuamente riba e proceso di mehora e condicionan di
trabou riba nos waf di Barcadera. E situacion cu tawata reina riba waf na Barcadera a
causa basta daño na comercio di Aruba y a pone cu nos waf di Barcadera a cuminsa perde
credibilidad pa motibo di un gran cantidad di paronan ocasiona door di e huma cu ta sali
for di WEB.
ATIA conhunamente cu stakeholders, incluyendo gobierno, na bienestar di nos economia
y salud di esnan laborando riba waf, a pone como meta pa soluciona e problematica aki,
mehorando y restaurando e confianza cu mester tin riba nos waf, alabes mehorando e
condicionnan di trabou di trahador y di tur esnan cu ta haci uso di nos waf na Barcadera.
