Page 7 - DIGICEL DEC 29

AWEMainta Diahuebs, 29 December 2016 15

Despues di kita permiso pa bende klapchi

Doño di Wan Li Supermarket
kier bay contra tur conseho

di comision di klapchi

Y purba convence Minister pa honra
permiso pa bende na e localidad mes

DIAMARS 27 di december, negoshinan a cuminsa

cu benta di klapchi. Esaki naturalmente ta sigui cu
controlnan necesario p’asina percura cu e negoshi-
nan aki cumpli cu tur regla stipula.

Un negoshi cu no a cumpli cu reglanan tabata e
localidad na Wan Li Supermarket den Madiki.
E comision di klapchi a descubri varios iregularidad
manera:

E localidad ta mucho cerca di caminda; un segundo
container di klapchi warda den cura di bisiña; y di-
cho container ta pega cu porta di apartamentonan
patras unda e trahadornan Chines ta biba.

Tur e infraccionnan aki ta trece peliger pa esnan
exponi na dj’e y tabata suficiente motibo pa kita e
permiso di benta.

A splica e doño Chines cu e mester busca un otro
localidad pa bende e klapchinan, pero e terkedad di
e Chines tabata luci den su intento pa busca con-
tacto cu e Minister encarga y convenc’e pa honra su
permiso na Wan Li Supermarket mes.

E Minister en cuestion no por wordo manipula
pa acepta tipo di peticionnan asina, sino e mester
acepta tur infraccion y peliger cu e negoshinan aki
por comete.

Ademas di bay contra tur conseho di e departamen-
tonan envolvi, esaki tambe ta bay contra tur regla
y moral cu Gobierno mester para p’e, poniendo
seguridad y bida di ciudadanonan den riesgo pa
complace un persona.