Page 5 - ARUBA BANK
P. 5
San Fuego cycling club a bautisa su uniform nobo
Tuesday, 21 March 2017 11:55
Comparti
Recien durante un atardi ameno na Total Garden na Balashi a tuma lugar bautiso di uniform nobo di San
Fuego Cycling Club. Durante e atardi aki tabata presente miembronan, mayornan, directiva y
invitadonan.
A toca e honor na Glen Conradus un fanatico di prome ora di San Fuego Cycling Club pa ta padrino y a
wordo asisti pa Josmary Geerman miembro di directiva y Sr. Gilbert Dijkhof representante di Total
Cleaning N.V. como co-sponsor. San Fuego Cycling Club ta un club di ciclismo cu a wordo funda den
añanan 90 cu e meta pa ofrese en particular hobenan e oportunidad pa siña core bicicleta y practica e
deporte di ciclismo. Nos ta trata di yega nos meta dor di entre otro ofrese lesnan gratis di ciclismo na
hobenan y introduce nan poco poco na e facinante deporte di ciclismo. Pa as motibo aki nos ta masha
gradici na nos sponsor principal cu ta Caribbean Mercantile Bank N.V. como tambe Total Cleaning N.V.
como co-sponsor cu pa añanan a kere den locual cu nos ta hasi pa e comunidad en particular e hobenan.
Mayornan cu ta interesa di laga nan yui siña core bicicleta por trese nan yui libremente sin ningun
obligacion pa participa na un of mas les ariba diasabra for di 16:30 p.m. pa 18:00 p.m. y ta gratis.
Muchanan cu ta interesa meste tin un MTB den bon condicion, valhelm y handschoen ta mandatorio.
Tambe por join San Fuego Cycling Club si e interes ta pa participa na competencia di ciclismo.
Comentarionan (0)
