Page 103 - MIN JUS_Neat

Polis mester a pidi fiscal auxiliar pa drenta y haci detencion
na Angochi

Sunday, 21 May 2017 23:01
Comparti

Diadomingo atardi polis a ser pidi cu urgencia na Angochi caminda un problema familiar a bay
for di man. Aki polisnan cu a yega na e sitio mester a pidi refuerso di demas colega cu urgencia
tambe

pasobra e famia a lanta contra di e polisnan. Lo tabata tin un homber cu tabata busca
problema for di trempan y den oranan di atardi cos a escala. Segun version di testigonan, e lo a
manda boter den direccion di e bisiña y aki cos a bay for di man. Polis na e sitio a bay haci
detencion di e homber Derrick Schwengle pero famia a sera e porta di cas y no kier a laga polis
drenta haci detencion. Hopi insulto a wordo dirigi den direccion di e Polis presente na e cas na
Angochi. No a keda nada otro di yama fiscal auxiliary pa asina presenta y duna ordo pa drenta
e cas. Presencia di Team di Aresto tambe tabata den vecindario. A rondona e cas y asina nan a
drenta na momento cu a haya ok di e fiscal auxiliar. E persona deteni ta un tal Derrick
Schwengle y e adres mes ta Angochi 8E.