Page 19 - MIN JUS_Neat

Hulanda, nos pais a kies explicitamente den nos Constitushon pa ora di creashon di of haci cambio
den un ministerio, esaki bay via Ordenansa. Esaki a wordo haci, segun e propio Memorie van
Toelichting, specificamente pa Parlamento tin participacion den e constelacion y cambionan den e

ministerionan. Compara articulo 44 inciso 1 di Constitushon di Hulanda (“Bij koninklijk
besluit worden ministeries ingesteld (..)”) cu articulo II.5 di nos Constitucion
(“Bij landsverordening worden ministeries ingesteld(..)”).

Ademas articulo 10 di e Landsverordening instelling ministeries ta stipula:“Een minister heeft de
leiding van en is verantwoordelijk voor een ministerie.”. No ta para por ehempel “is verantwoordelijk
voor een of meerdere ministeries”. Articulo II.2 di nos Constitushon ta bisa: “De minister-president

en de overige ministers worden in overleg met de Staten bij landsbesluit benoemd en ontslagen.”. No
ta para por ehempel “…bij landsbesluit benoemd, tijdelijk ontheven of ontslagen”, dus “tijdelijke
ontheffing” pa medio di decreto no ta posibel, retiro total so. Mas aleuw, atrobe contrario na

Hulanda, den nos Constitushon no a crea e posibilidad pa por tin un minister sin cartera. Compara
articulo 44, inciso 2, di Constitushon di Hulanda cual ta bisa: “Ook kunnen ministers worden
benoemd die niet belast zijn met de leiding van een ministerie.”. Nos Constitushon sinembargo no

conoce un articulo asina. Pues segun nos Constitucion y e Landsverordening instelling ministeries, ni
“tijdelijke ontheffing”, ni traspaso di cartera completo di un minister pa otro caminda esun cu perde
su cartera ta keda como minister sin cartera, no ta posibel, ja cu esey ta rekeri un cambio di nos

Constitushon y/of di Landsverordening instelling ministeries, cual ta rekeri un Ordenansa y pues
consulta legislativo cu Parlamento.

Parce pues cu sr. Mike Eman a malinforma Gobernador, pero con cu bay bin contenido di cada

decreto ta pa cuenta y responsabilidad politico di e minister cu a presente, den e caso aki sr. Mike
Eman. Ja cu ta duda na un forma argumenta cu e decreto concerni lo tin un base legal, e decreto e ora
mas bien ta un mocion, pues un tipo di deseo di e minister cu a presente, esta sr. Mike Eman. Pues cu

e decreto sr. Mike Eman basicamente a presenta un mocion di desconfiansa contra di sr. Paul Croes,
ja cu e ta expresa den e decreto claramente cu sr. Paul Croes no ta apto pa durante e duracion di e
investigashon penal ta na cabes di un ministerio. Tumando nota di esaki sr. Paul Croes un bes mas a

haya un seňal bon cla for di su propio seno, prome di su colega di partido sr. Rene Herde, y awo di su
Minister President, cu su posishon eigenlijk no ta sostenibel. “Más claro no canta un gallo”.