Page 70 - MIN JUS_Neat

Na e criticonan di e proyecto tambe e tin un reflexion bisando: “Un pisca nunca lo por bisa cu cana ta facil. E ta
gewoon cu tin hende cu semper lo kier ta negativo. Si un hende kier yuda otro, djis ta contento pa esey.” Na su
opinion “ta cosnan asina ta buta e cosnan aki tarda, paso un parti si kier y otro parti no kier y na final ta esnan cu
ta importante no ta wordo yuda.”
Danyael ta sinti’e ‘left out’ pero na mesun momento parti di e comunidad Arubiano. Cu su 17 aña, mescos cu
cualke otro hoben, Danyael ta ansioso pa cuminsa prepara pa saca su rijbewijs, pero e no por haci esey ainda. E ta
gradici su tanta cu ta esun cu ta yud’e cu e tramitenan y ta for di dje el a tende di e proyecto ‘Dreamers’: “Mi a
sinti un alivio. Prome mi tabata wak e posibilidad hopi chikito, pero awo si ta mustra bon.”
Gobierno di Aruba a prepara un programa special pa asina conoce hobennan manera Danyael miho y compronde
pakico e proyecto ‘Dreamers’ tabata uno asina necesario; no solamente pa nan, pero tambe pa henter nos
sociedad en general riba termino corto, mediano y largo. E programa aki ta pasa dialuna awo 22 di mei pa 7:30
pm na ATV canal 15 y pa 9:10 pm na TeleAruba canal 13. Tambe lo ripiti diamars 23 di mei na ATV atrobe pa 7:30
pm y na TeleAruba diahuebs 25 di mei pa 6:00 pm.