Page 16 - MIN SOC 20 FEB, 2017

Tur dia MFA y SIAD ta comunica

cu otro pa maneha un miho

servicio di cliente

20 February, 2017
0

Gerente di MFA Noord, Richard Tromp a duna di conoce cu su ekipo, mescos cu

esun di MFA Paradera tin un bon comunicacion cu Departamento di Impuesto. E
obhetivo comun ta, pa cada bes, mehora e nivel di servicio cu ta brinda na e
clientenan. Riba base diario ta papia no solamente cu clientenan, pero tambe cu

e propio trahadonan di e departamento pa evalua con e funcionamento ta
canando. Ya caba ta preparando pa e proximo temporada grandi di pago di

number di auto cu lo ta na juni.
“Tur dia ta comunica cu otro y e contacto ta hopi bon. Nos ta paia cu cahera pa
wak kico mester ahusto, kico nos por haci pa haci nan trabou mas facil y nos ta

informa clientenan y maneha e fluho,” Tromp a splica. Ora cu e periodo actual
pasa, lo sinta atrobe cu SIAD pa asina analisa con tur cos a cana. “Na juni ora

mester paga e siguiente mita di aña, nos ta miho prepara pa maneha e fluho
hopi mas miho.”

Pa e siman aki cu sede principal di Departamento di Impuesto na Camacuri ta
cera pa publico, ya MFA Noord y Paradera a reuni cu esnan responsabel di SIAD

y a palabra cu lo manda dos trahado extra na cada Facilidad Multi-funcional.
Tambe lo monitoria inmediatamente pa wak si mester di mas hende, nan
manda esaki tambe mas lihe cu por. Tromp a indica cu pa ora SIAD na

Camacuri habri bek, ta spera di a baha e cantidad di persona cu tin pagonan
pendiente.