Page 11 - DE MEZA

“E dia tabata uno sumamente interesante, sumamente positivo. Locual cu nos a
nota cu semper bou Gobiernonan di AVP semper a traha riba e partinan di
medionan ambiente”, Minister de Meza a indica.

Tin e Parke Nacional Arikok pero awo ta bay bin 19 area acerca y durante e
reunion nan a discuti riba e localidadnan cu por tin solar panel. Un parti grandi di
Aruba ta protegi pe parti medio ambiente. Na final di dia medio ambiente mester
ta den balans cu progreso economico. Esaki ta un muestra cu ta dedica tempo
na esey y tur cos mester bay riba un balans. Ora di evalua unda mas tin tereno
pa pone solar park, tin un limitacion riba Aruba. Esey ta algo positivo pasobra e
ta proteha Aruba su naturalesa, Minister de Meza a remarca.

ALVIN KOOLMAN, DIRECTOR DI RDA N.V:

“ENERGIA ALTERNATIVA TA E CAMINDA PA

FUTURO”

May 5, 2017 adminarubanative Uncategorized Leave a comment

ORANJESTAD, Aruba – Na October ultimo Refineria di Aruba (RdA) N.V. a firma e
contract cu Citgo y Valero pa traspasa tur propiedad pa RdA N.V. Awor nan tin
3.7 miyon m2 di tereno na henter e parti ey, pero tambe RdA a negosha cu Citgo
cu no tur e terenonan cu antes tabata pa Valero lo pasa automaticamente pa
Citgo. Solamente e area cu ta necesario pa refinacion y e parti terminal. Tin
basta tereno disponibel pa Aruba pa proyectonan actual y futuro.

Un di nan ta e parke solar cu lo ocupa 92 mil m2 di tereno cu lo genera 5.9
megawatt. “Kiermen nos no a basila cu e ta un tereno habri y no ta uz’e
aworaki”, asina director di RdA N.V., Alvin Koolman, a remarca. Pa algo manera
energia alternativa, e tereno aki ta bon pa un proyecto asina.

Actualmente no tin niun tereno duna pa proyectonan pasobra tin hopi cu ta den
fase manera esun di energia alternativa. Tin hopi pensamento y a menciona 9
area cu ta den negociacion. Tin BSL Laundry, Zeewijk, ta bira disponibel y eynan
caba por mira cu mester haci limpi y despues habri pa otro proyectonan por bin.
E parti unda e parke solar ta bin, ainda tin mas tereno disponibel unda cu por
haci uzo pa otro proyecto. Den e proximo añanan lo mira basta aspecto di
proyectonan.