Page 4 - DE MEZA

Aeropuerto di Aruba ta tuma paso adicional pa mehora su
maneho riba animalnan cu ta subi tereno di aeropuerto

Friday, 05 May 2017 11:32
Comparti

Aruba Airport Authority N.V. (AAA) lo introduci algun medida adicional pa sigui controla y reduci e
cantidad di parhanan cu ta bula riba e tereno di Aeropuerto Internacional Reina Beatrix. Accidentnan di
parha ta costa e industria di avionnan comercial biyones na daño tur aña, ni pa menciona e risico
significante pa e seguridad pa pasahero.

Hopi di e accidentnan di parha ta sosode den e area di un aeropuerto, y pa e motibo ei, aeropuertonan
rond mundo ta gasta un suma di placa y tempo considerabel den e practica di maneho riba animalnan cu
ta subi riba tereno di aeropuerto y Aeropuerto di Aruba tambe ta comprometi na esaki. Adicionalmente,
e programa di maneho riba animalnan cu ta subi tereno di aeropuerto ta parti di aeropuerto su
certificacion di ICAO y por wordo revisa periodicamente. Como parti di e medidanan, e ekipo di
operacion di aeropuerto lo cuminsa usa cañonnan di zonido, un machine di fog y pronto lo introduci
scopetnan cu lo wordo usa pa haci zonido cu lo spanta e parhanan. E medidanan adicional ta diseña pa
spanta e parhanan for di e areanan di operacion di avion y crea un ambiente menos comodo y indesea pa
e parhanan. E prome test lo wordo haci cu e cañon di zonido, y despues lo sigui cu e otronan. E
medidanan aki den ningun forma lo haci daño na e parhanan of na nos medio ambiente, pero lo brinda
un nivel di seguridad adicional pa operacionnan di avion na Aeropuerto Internacional Reina Beatrix.