Page 48 - AHATA

Prome Minister Ta Pasa Pa Gañado Cu Post Riba

Facebook

 Local
- 20/08/2019

No ta conoci si ta e propio mandatario a haci e cose y, of ta un persona c uta handle
Facebook p’e. Pero e publicación acusatorio cu el a haci contra Parlamentario Richard
Arends, di ta cobra pa un posición cu e no a ocupa den Refineria di Aruba, a causa hopi
reaccion.

E publicacion a hinca e Prome Mandatario di Aruba den un skina. El a bisa cu tempo cu
Arends tabata Minister di Gabinete Mike Eman II, e lo a regla pa wordo poni riba lista di
salario di Refineria di Aruba cu e intencion cu ora nan core cun’e y cu pais Aruba lo
mester pague 2.6 miyon florin como compensacion pa su retiro.

Naturalmente Arends di biaha a desbarata e ponencia aki y a reta e mandatario pa
presenta e pruebanan, cual naturalmente e no por haci. Y riba dje e mandatario ta pidi e
Parlamentario pa demostra cu esey no t’asina. Wever Croes como Prome Minister di pais
Aruba tin tur acceso na Refineria di Aruba y su administracion pa cual tin tur
informacion directo y ta consciente cu loke el a bisa no ta berdad. Tin tur prueba cu RdA
no a paga, sino lo mester tin facturanan of transferencia di banco. Nada di esaki no tin.

Loke ta mas tristo ta cu e Prome Mandatario ta publica e mentira aki hustamente riba e
dia cu ta anuncia inicio di campaña di Integridad. Loke el a haci no tin nada di integridad.