Page 11 - MIN VOS
P. 11
El a comete tur e delitonan aki den e periodo di 16 di april te cu 11 di november
2016, pa cual siman pasa dia 28 di november a dicidi di detene y Fiscal Auxiliar
a opta pa encarcel’e pendiente e investigacion grandi andando awor aki. Un
grupo di recherche di Cuerpo Policial ta conduciendo e investigacion aki, hunto
cu nan coleganan di e departamento Forensico, bou supervision di Fiscal na
Ministerio Publico.
E investigacion preliminar ta mustrando claramente cu a falsifica documento,
permiso y hasta cartanan for di varios instancia y departamentonan di
Gobierno, manera DOL, DIMAS, Censo Burgerlijke Stand, Uitreksel di Censo,
sentencia di Corte, acta Notarial, Sentencia di Raad van State di Hulanda,
documentonan di ‘Inmigratie en naturalisatie dienst’ di Ministerie van Veiligheid
en Justitie di Hulanda, permiso supuestamente “firma” door di Minister Benny
Sevinger, carta di AZV, carta di Direktie Financien y SIAD (Impuesto). Como
sifuera poco, a falsifica cartanan di PriceswaterhouseCoopers, di Centrale Bank
y di Griffier di Corte.
A base di estafa y falsificacion di un sin fin di documento y permisonan, tin
hende a hasta haya paspoort Hulandes!
E formula tabata bon hinca den otro, esta cu Bo ta yega cerca e homber aki pa
e regla bo permiso di estadia of trabou pa Bo, pa cual e ta cobra entre Afl.
1500,= te cu Afl. 3000,=. Na su turno e ta falsifica tur cos, haciendo
comosifuera cu el a efectua tur e tramitenan stipula. E cliente ta ricibi
documentonan cu stempel y firma riba dje, siendo cu tur ta falsifica.
Den Gobierno a descubri cu departamentonan no conoce e forma di traha di
otro, pues un departamento no ta ripara facilmente cu e numbernan di e carta
di e otro departamento ta falso, of e “kenmerken” no ta cuadra. Asina
recherchenan a bin topa por ehempel cu un carta falsifica di Censo bisando cu
tin problema cu e sistema y ta pidi DIMAS pa sigui cu e proceso en espera di
Censo. Tambe e sospechoso a traha ‘vergunning’ falso tambe, te cu awor a topa
cu no menos di 40 ‘provisionele vergunningen’, cu un compania a pag’e 21 mil
florin!
Ta parce cu e sospechoso aki ta asina “profesional” den su trabou, cu e tabata
cobra stranheronan Afl. 4500,= pa e por procesa y logra haya paspoort
