Page 7 - AHATA_Neat
P. 7
PM di AWEMainta Diabierna, 3 Mei 2019
Mas turista deteni
cu credit card falso
Diahuebs den oranan di atardi, na Aeropuerto, Polis ta pone man riba
dos homber mas cu tabata den posecion di credit card falso.
Algun dia pasa a detene un pareha caba cu tabatin credit card falso
den nan poder.
Durante henter e siman aki tabatin keho di algun turista cu tabata riba
nos isla y tabata dal negoshinan local abou cu credit card falso. No ta
solamente e negoshinan local, pero tambe taxistanan a wordo paga
cu papel di 100 dolar falso.
Autoridad tabatin bista caba riba e grupo aki y algun dia pasa a de-
tene un pareha cu tambe a shop riba nos isla cu credit card falso.
Diahuebs ultimo den oranan di atardi autoridad a pone man riba dos
homber mas cu tambe tabata tin credit card falso den nan poder. E
dos sospechosonan aki a wordo entrega den man di Recherche di
Oranjestad.
Nan aki tabata usa credit card cu
no ta pertenece na nan pa paga
pa nan estadia na Aruba. Si cualke
comerciante por reconoce e dos
hombernan aki cu lo por a cumpra
algo cerca nan den nan negoshi y
a paga cu un credit card lo ta bon
pa avisa Recherche di Oranjestad,
p’asina yuda haya mas evidencia
posibel contra e grupo aki.
4
