Page 5 - DESPA

Presidente di Parlamento ta felicita Wit Gele

Kruis y screeners

- Advertisement -

Cu nan di 10 aña di neonatale gehoorscreening

ORANJESTAD (AAN): Presidente di Parlamento tabata presente na e symposium
organisa dor di Wit Gele Kruis cu e tema “Neonatale gehoorscreening op Aruba 2007-

2017”.

Na e ocasion especial aki tabatin un cantidad di profesionalnan riba tereno di salubridad
presente. Dokter Cabenda tabata un di e oradornan.

Por a mira varios screeners cu a haci un bon trabou durante 10 aña, haciendo posibel
cu muchanan cu problema di oido of cu ta sordo por ser diagnostica for di tempran. Mas
tempran e deficiencia di oido wordo diagnostica y e mucha uza aparato di oido, mihor e

desaroyo di idioma di e mucha y tambe su desaroyo social emocional cu ta ser
influencia dor di su desaroyo en general. Mientras cu den pasado muchanan cu
deficiencia den oido no por a participa na enseñanza asina facil, awendia muchanan cu
nan aparato di oido por participa y hasta caba scol.

Esaki ta un adelanto grandi cu Wyatt-Ras ta elogia. Paso pa e parlamentario aki tur
mucha mester tin oportunidad igual ariba educacion y enseñanza. Wyatt-Ras ta señala
alavez e bon trabou cu ta desea directiva y personal di Wit Gele Kruis a bin ta haci pa

nos muchanan entre otro e programa di screening en general di 0-4 aña y stevige
ouderschap y ta desea e organisacion aki hopi forza y exito pa sigui cu nan labornan
importante pa nos comunidad y salud.

- Advertisement -