Page 36 - FDLP

Local
JCI YALA Y UNESCO TA

ORGANIZA UN PEACE WALK

editor

POSTED ON SEPTEMBER 13, 2018, 10:52 PM
2 MINS
POST VIEWS: 2

ORANJESTAD, Aruba

Riba 21 di September, dia Mundial di Paz, JCI Young Active Leaders of Aruba conhuntamente cu
UNESCO Aruba ta organisa un Peace Walk. E dia aki ta sumamente importante como cu nos ta

enfoca no solamente riba paz na mundo pero tambe paz
den nos hogar, paz familiar, paz na trabou y paz mental pa menciona algun ehempel.

Pa algun aña caba JCI YALA ta hasi actividad riba dia Mundial di Paz, e aña aki no ta excepcion.
UNESCO Aruba y JCI ta hasi nan proyectonan alinea cu Sustainable Development Goals di

Nacionnan Uni. Meta nr 16; ta e meta cu e proyecto di Peace Walk ta cai bou di dje. Hunto kier trece
concientisacion na e importancia di Paz.

Manera menciona e Peace Walk lo tuma lugar riba diabierna, 21 di September na Linear Park. E ruta

lo ta di 3km y e ta un Fun walk pa henter famia. Pa 5 or tin registracion y 5.30 nos ta sali bay
Brandweer y bin bek. Ta pidi pa tur hende bin na blanco, e color di Paz.