Page 46 - KPA
P. 46
Marduga cuater ladron cara tapa a drenta Oficina di Lotto y
sali man bashi
Thursday, 06 April 2017 07:18
Comparti
Diahuebs marduga den careda di 1or ladronnan a drenta den oficina principal di Lotto. E para e auto den
e area patras di parada di bus na Playa. Djey via e parti patras di oficina di Lotto a kibra e hekwerk.
Di eynan a destrui e bentana y logra drenta. A cuminsa reboltea den e oficina. E kibra basta porta di palo
pa drenta e diferente oficinanan y reboltea buscando placa. Te asina leu no a sinti falta di algo di balor of
placa. Naturalmente placa nan lo no a haya pasobra tur dia companianan cu hende arma ta bin busca
placa. Lotto no ta laga placa den nan oficina. Polis a wordo avisa di e caso aki. Tur cos ta graba riba
camara y tur cuater homber ta cara tapa. Ta sospecha si cu un di cinco persona cu ta e chauffeur a keda
den auto sinta. E ladronnan ta mustra di ta profesional pero mal informa pasobra placa no tin. Nan a
dura como tres minuut den e oficina di Lotto. Autoridad tin man pa e grupo aki pasobra ta parce un estilo
similar na esnan cu kier a horta tambe na Aruba Bank.
