Page 96 - KPA

Ta invita tur esnan cu tin animalnan na pecho pa por fabor, sea e voz pafo pa e
plataforma y tur otro organisacion, yama Cuerpo Policial. Ta trahando awor aki
riba e posibilidad pa haya un tiplijn pa e plataforma, pa asina hende por yama e

tiplijn eynan pa por actua di biaha. E tiplijn aki lo ta diferente cu esun di polis.
Pronto lo anuncia kico e number lo ta.

Hassel a splica cu tabata tin un caso lamentabel cu un hoben a maltrata un
pushi. E ta sumamente lamentabel pasobra a tende si cu e scol encarga eynan,

a tuma accion di biaha, locual ta di aplaudi. Tambe ta sumamente orguyoso di
coleganan di Cuerpo Policial mes cu a tuma accion di biaha, no solamente riba e

parti di pushi y tambe di cacho Luna. Mesora accion a wordo tuma. Hassel ta
spera cu e demas coleganan sigui haci esey.
E intencion ta pa tur hende cuminsa uni y hobennan cu ta kere cu esaki ta algo

great, e ta algo tough pa haci, realmente e ta refleha un parti hopi negativo di
bo mes.

En bes di purba di yuda pa nos mehora nos sociedad cu eigenlijk tin asina hopi
cos cu no ta bayendo bon den dje, en bes di yuda, ta perde speransa ora cu ta

mira hobennan ta maltrata bestia asina. Ta spera cu esaki ta les pa tur hende,
no solamente pa hoben, pero tambe pa adultonan, pa asina cuminsa coy

consenshi y bisa no por sigui biba pa biba. Tin cu cuminsa aprecia bida, no
solamente di ser humano, pero tambe di animal, Hassel a splica.