Page 2 - AWEMAINTA
P. 2
2 AWEMainta Diahuebs, 13 December 2018
Net ayera a recorda avioneta horta pa algún hoben a cay y nan a muri
A descubri parti di un avion grandi na Boca Ascencion
pero no tin ningun informacion cu tin avion cu lo a cay
WILLEMSTAD - Riba un dia manera ayera, un grupo di hoben a “horta”
un avioneta cu intencion di bula pa Aruba, pero a cay na altura di Watam-
ula. E avioneta aki tabata registra JLB.
Dado momento ayera a circula informacion cu un avion mester a cay na
Corsou, pero a ser bisa cu e ta un fake-news. For di autoridadnan den
aviacion civil no por a bisa cu un avion por a cay ultimo dianan, pero no
ta prome biaha cu ta haya resto di avioneta en particular, cu ta dedica na
transporta droga.
A resulta cu for di diabierna ultimo personanan a bin ta yamando Polis pa
informa nan di resto di avión cu a wordo mira na Plastick Baai, specifica-
mente na Boca Ascencion.
E fusilahe, ta di un avion grandi, cu no por bisa ki tipo di avion, pero e
ta di un avion, cu lo a drief yega e area ey. Segun conocedornan, e mester
ta un avion cu tin basta tempo den laman, pero awor a drief yega den e
bahia menciona.
Polis y otro autoridadnan a duna acto di presencia pa haci e investigacion
necesario, pa cual a sera e area por completo. Hecho ta cu e ta un avion
basta grandi, pero e no ta mustra di ta algo di recientemente.
Mas leu na costa, por a mira cu tin mas parti pega den e barancanan, pero
no a ser confirma. Despues di a haci e investigacion necesario na Plastic
Baai, y cu yudanza di expertonan lo por determina ki tipo di avion y por
sa a base di su registracion por sa mas di e avion aki.
Manera nos a cuminsa nos articulo, ayera tabata net 24 aña pasa cu algun
hoben den oranan di madruga a lanta buelo cu un avioneta, pero den area
di Watamula y a accidenta y nan tur a muri.
Y conmemorando e caida di e avioneta, a bin descubri parti di un avion
grandi. A drenta informacion tambe cu un avion lo mester a cay riba la-
man cerca di un otro isla den Carib, costando bida di dos hende.
E investigacion ta continua.
