Page 24 - HOSPITAAL

Gina Maduro di ABV: Unda e voz di e trahadonan di PAAZ a
keda?

Wednesday, 10 May 2017 21:02
Comparti

Tin un situacion fastioso cu kisas falta claridad cu PAAZ. Sindicato ABV a conta kico ta e preocupacion,
mientras cu nan a tene un ora di walkout.

Gina Maduro a splica cu ta asina cu tanto e trahadonan di PAAZ y sindicato ABV a haya un noticia
sorpresivo cu nan no tabata na altura. Hopi tempo pasa a papia di un fundacion nobo cu yama GGZ, pero
nunca a bira realidad.

Pero esaki a lo largo el a bira realidad. Na Februari, stakeholdernan a firma un
samenwerkingsovereenkomst, unda cu tur ta bay traha hunto y eynan ta caminda cu e stakeholdernan
tanto AZV, Directie Volksgezondheid, Specialistanan, Raad van Bestuur di Hospital, a firma un acuerdo.
Pero e stakeholder di mas grandi, esta ABV cu ta representa e trahadornan, a wordo completamente laga
afo.

A haci e pregunta pakico a tuma e decision eynan y esaki no a cay den bon tera ni cerca e sindicato, ni
cerca e trahadonan. PAAZ ta un departamento ta cay bao di hospital y entrante 1 di Januari nan ta bay
cay bao di un stichting nobo cu yama GGZ. Trahadonan ta sinti cu nan a wordo bendi. Awo ta bay splica
nan con nan a wordo bendi, ki dia nan a wordo bendi, cu ken na a wordo bendi. ABV ta lamenta esaki. Ta
un falta di respet pa tanto ABV como pa e trahadonan. E trahadonan ta esun cu ta bay traha den e
fundacion nobo. Esaki ta un cambio drastico. E trahadonan ta den servicio di hospital y awo per 1 di
Januari, lo bay cambia full di fundacion. E stichting a wordo lanta. A busca un consultant pa formula
esaki. Consulant a bin 4 biaha Aruba di 10 dia di trabao y nunca a acerca ABV. A traha e beleidsplan, a
traha e statuut. Ta bezig ta nombra e raad van toezicht y raad van bestuur. Awo na e ultimo luga, raad
van bestuur a pidi reunion cu empleadonan di PAAZ, ni cu ABV. Via Shopstewardnan a wordo poni na
altura. ABV a invita nan mes na e reunion y eynan a bin haya sa di e fundacion nobo. Dialuna ultimo AZV
a duna su presentación, con e stichting ta hinca den otro, e meta di e stiching, e beneficio di dje. Awor
aki, ta den un situacion cu ya caba decisionnan a wordo tuma. Trahadonan no tin ningun inbreng riba
dje. Tin cu gewoon bay mee cu e stichting. Awo tin cu wak con ta bay den e stichting nobo. E trahadonan
ta hopi desespera pasobra ta full un fundacion nobo. Tin un CAO di hospital y awo con nan ta bay over cu
tur lusten en lasten. No kier tende di e palabra di reintegracion. Ta full un trayectoria cu a tuma luga. E
forma con el a tuma luga, ABV ta lamenta. Nan a kere cu sigur nan tabata tin un bon relacion cu nan
dunado di trabao y un bon relacion cu minister Schwengle. Ta sinta regularmente cu e minister y tambe
cu raad van bestuur di hospital y ningun dia a bisa esaki y awo e ta sali afo.

Gerencia en principio, tin cu pase nobo. ABV tin cu bringa pa e trahadonan, pa nan bay cu tur nan lusten
en lasten over.

Den presentación dialuna nan a presenta esaki masha bunita dene reunion, pero den practica ta otro. E
trahadonan aki, manera cos a bay, no tin confianza den e fundacion aki. Por a tende diferente comentario
of argumento cu nan a pensa cu esaki ta un manera mas strategico, unda cu nan ta dicidi y despues bay