Page 22 - WEB
P. 22
di Serlimar debidamente. Documentonan cu e Parlamentarionan ta considera necesario pa
nan por evalua e necesidad di Minister pa cobra pueblo, comercio y turista miyones di
florin na impuestonan nobo. Lamentablemente e mandatario a scoge pa deliberadamente
no comparti e documentonan aki cu Parlamento y ta spera nan tuma un decision sin cifra
y sin documento.
Entre otro e Parlamentarionan a pidi claridad riba e cantidad y aumento den personal cu
ta traha pa Serlimar den e ultimo 5 añanan, e salarionan mara na e funcionnan den e
organo, y e cuentanan anual di Serlimar di tur e ultimo añanan. Apesar cu por considera
esaki como informacion basico pa Parlamentarionan por evalua e fondonan y
instrumentonan cu ta duna Serlimar por medio di e ley, Minister no a comparti datonan
financiero di e ultimo 4 aña pasa y no a duna ningun claridad riba e gastonan cu a wordo
haci for di tempo cu e ta Minister.
Otmar Oduber no a duna ningun claridad tampoco riba e hendenan cu el a duna trabao
den Serlimar e ultimo añanan y dicon e cifranan di Serlimar cu Minister di Finanzas a
raporta na CAFT ta mustra un aumento di gasto di 21 miyon florin di 2016 pa 2019.
Awemainta Parlamento mester a cuminsa cu tratamento di e ley di Serlimar. Ey lo mester
a bira conoci con e Parlamentarionan di MEP, AVP y RED lo reacciona riba e falta di
contesta riba nan preguntanan como tambe riba e falta di documentonan duna cu
Parlamentarionan a pidi e Minister. Ta bon pa informa cu e fraccion di POR, forma pa
Marisol Lopez y Alan Howell no a haci NINGUN pregunta na “nan” Minister riba e
cambio di ley di Serlimar.
Ulimo ora awe mainta nos a compronde cu Presidente di Parlamento a opta pa move e
reunion di awe dialuna pa diaranson mainta. E motibo di e cambio no ta conoci ainda.
