Page 36 - WEB
P. 36
Segun Ponson, den e contexto aki nan a mira cu Ministro riba hopi punto no a comparti
esaki cu Staten.
El a splica cu na 1999 nan organizacion mes a yega di scapa Serlimar di cay den agarre
di e compania “Greenline Milieu NV”. Awor 20 aña despues, ainda Serlimar no por a
haya e debido atencion di Gobierno pa pone traha den forma adecuado den un mercado
liber unda nan por competi cu tur otro organizacionnan cu ta recoge sushi.
Segun Rainbow Warriors, awor nan ta mirando cifranan cu a sali den prensa, esta cu
Serlimar su maneho financiero ta laga di desea, e debe di e compania a crece, y cu
Gobierno cueste loke cueste kier bin cu un Incinerator y cu e tin suficiente sushi pa
kima pa hustifica su gasto operacional di tur dia.
Awor ta mirando cu den e maneho di sushi, desde November 2017 cu a institui e grupo
di trabao pa deal cu e maneho integral di sushi, tabata pa bin cu 3 punto dilanti: (1)
Kico ta e maneho integral di sushi. (2) Kico ta bay haci cu Parkietenbos Dump cu tin di
wordo cera. (3) Kico ta bay haci cu e sushi cu tin di wordo procesa.
Den e proceso, rapportnan cientifico a wordo traha door di TNO, di cual e
recomendacionnan tabata e.o. pa no bin cu un incinerator. Pero toch ta mira cu
Gobierno kier bin cu esey, y pa haci esey posible, kier duna Serlimar un monopolio.
E proceso di monopolio aki lo bay destrui e pan di tatanan di famia di 27 compania,
pasobra no ta EcoTech y EcoGas so lo wordo afecta. Segun Milton Ponson, ta tur e
companianan chikito di reciclahe lo desaparece, y e riba di 100 cupo di trabao (pafo di
EcoTech y EcoGas) lo tin di wordo sacrifica.
Segun Rainbow Warriors, nan a check full e concepto di e ley nobo aki. Di e forma ey a
bin descubri un punto importante cu a keda full scondi, esta cu na 2017 Gobierno a
hereda un dolor di cabez di Medio Ambiente, pero un di e puntonan primordial tabata
na top di agenda di Ministro, tabata pa bin cu e Ley Ambiental, esta e Landsverordening
Milieubeheer. Gobierno anterior na 2010 den un townhall meeting na Sero Blanco a
duna di conoce cu e Ley Ambiental lo bin pa regla yen asunto na Aruba, incluyendo e
Milieu Effect Rapportage.
